Saudiya Arabistoni boshliq arab mamlakatlari harbiy-havo kuchlari samolyotlari Yaman poytaxti Sanaga kuchli aviazarbalar berdi. Bu haqda “TASS” xabar bermoqda.
Agence France-Presse agentligi ma’lumotlariga ko‘ra, aviazarbalar Sananing shialarning “Ansorulloh” harakatiga mansub isyonchi xusiylar va armiyaning sobiq prezidenti Ali Abdulla Solihga sodiq kuchlari nazorati ostidagi tumanlariga berilgan.
Kuchli portlashlar shaharning mazkur mavzelarini larzaga keltirgan va aholining bir qismi hududni tark etishni boshlagan. Zarbalar, xususan, qurol-yarog‘ omborlari, prezident saroyi, shuningdek, isyonchilarning Saudiya Arabistoni va BAA elchixonalari oldidagi marralariga berilgan.
Ehtimoliy qurbonlar va jabrlanuvchilar haqida hozircha axborot yo‘q.
Arab mamlakatlari koalitsiyasi 5-sentabr, shanba kunidan boshlab Sanaga aviazarbalar bermoqda, bu koalitsiyaning 130 ga yaqin harbiylari o‘limiga sabab bo‘lgan isyonchilarning raketa zarbasiga javoban amalga oshirilmoqda.
Qayd etish joiz, mazkur yo‘qotish koalitsiya uchun 2015-yil martida boshlangan operatsiya davomida eng kattasi bo‘ldi. Raketa zarbasi natijasida 45 nafar BAAlik, 30 nafar bahraynlik, shuningdek, saudiyalik va boshqa mamlakatlarning askarlari halok bo‘ldi.
Izoh (0)