2015-yili Perseid meteor yomg‘irining avj pallasiga Atlantika okeanini kesib o‘tayotgan samolyot va kemalarning yo‘lovchilari guvoh bo‘lishi mumkin. Bu haqda “TASS” xabar bermoqda.
Meteor yomg‘iri 13-avgust, payshanba kuni Toshkent vaqti bilan 5:30—18:00 oralig‘ida o‘zining eng yuqori cho‘qqisiga chiqadi. Bu vaqtda meteor chaqnashlarini bemalol tomosha qilish imkonini beradigan qora tun faqat Atlantika okeani ustida kuzatiladi. Bu muddat oralig‘ida soatiga 100 dan ortiq meteorni kuzatish mumkin bo‘ladi.
Yevropaning eng g‘arbiy nuqtalari va Shimoliy Amerikaning eng sharqiy hududlarida istiqomat qiluvchi aholi ham mos ravishda Perseid faolligining boshlanishi va yakunlanishini tomosha qilishlari mumkin bo‘ladi.
Perseidning faolligi bu yil nisbatan kuchli bo‘lishi va eng avjiga chiqqan vaqtda soatiga 120 tagacha meteor ko‘rinishi qayd etilmoqda. 2016-yilda esa bu ko‘rsatkich yanada oshadi. Bunga Yupiterning gravitatsion ta’siri sabab meteor oqimi Yer tomon siljigani sabab bo‘lgan.
Izoh (0)