Rossiyada Beeline markasi ostida faoliyat olib boruvchi “VimpelKom” abonentlar hisoblaridan ular ishlatmagan internet-rouming uchun pul yechib olmoqda, deb yozadi “3dnews.ru”.
Buni Facebook foydalanuvchilaridan biri sezib qolgan va muammo haqida o‘z sahifasida ma’lum qilgan, “Vedomosti” nashri muxbiri esa muammoni o‘z tajribasida tasdiqlagan.
Rouming o‘chirib qo‘yilgan bo‘lsa-da, “Roumingdagi eng manfaatli Internet” opsiyasidagi foydalanuvchilardan mablag‘lar xatolik tufayli yechib olingan.
“Telefonda rouming o‘chirilgan bo‘lsa-da, u internetning kichik qismini ushlab turadi, va tizimimiz unga tarif belgilaydi”, — deya tan oldi “VimpelKom” bosh direktori Mixail Slobodin.
Operator vakili Anna Aybasheva so‘zlariga ko‘ra, muammo abonentlik qurilmalarining ishlashiga bog‘liq bo‘lib, LTE-tarmoqlarda roumingda ro‘yxatdan o‘tgan abonentlarda yuzaga kelgan.
Izoh (0)