BMT Bosh kotibi Pan Gi Mun Nigeriyaning Gomba va Damaturu shaharlarida Ramazon hayiti bayrami kunlarida jangarilar tomonidan amalga oshirilgan hamda o‘nlab kishilarning o‘limiga sabab bo‘lgan teraktlarni qoraladi. Bu haqda The News ma’lumotlariga tayanib, “Kommersant.ru” xabar bermoqda.
“Bunday hujumlar barcha insonlarning e’tiqodiga tajovuzdir”, — deya ta’kidlagan Pan Gi Mun. Shuningdek, Bosh kotib IShIDning Ramazon oyi yakunida Iroqdagi bozorda amalga oshirgan teraktini ham qoraladi. “Bosh kotib Bani-Saaddagi gavjum bozorda 17-iyulda sodir etilgan hujumni keskin qoralaydi. U bunday qabih jinoyatga qo‘l urganlar tez orada javobgarlikka tortilishiga umid qiladi”, — deyiladi Bosh kotib nomidan tarqatilgan bayonotda.
Izoh (0)