БМТ Бош котиби Пан Ги Мун Нигериянинг Гомба ва Даматуру шаҳарларида Рамазон ҳайити байрами кунларида жангарилар томонидан амалга оширилган ҳамда ўнлаб кишиларнинг ўлимига сабаб бўлган терактларни қоралади. Бу ҳақда The News маълумотларига таяниб, «Kommersant.ru» хабар бермоқда.
«Бундай ҳужумлар барча инсонларнинг эътиқодига тажовуздир», — дея таъкидлаган Пан Ги Мун. Шунингдек, Бош котиб ИШИДнинг Рамазон ойи якунида Ироқдаги бозорда амалга оширган терактини ҳам қоралади. «Бош котиб Бани-Сааддаги гавжум бозорда 17 июлда содир этилган ҳужумни кескин қоралайди. У бундай қабиҳ жиноятга қўл урганлар тез орада жавобгарликка тортилишига умид қилади», — дейилади Бош котиб номидан тарқатилган баёнотда.
Изоҳ (0)