Amerikaning Kaliforniya shtatida o‘rmon yong‘ini katta yo‘lga tutashib ketgani oqibatida yigirmadan ziyod avtomobil yonib ketdi. Qurbonlar haqida hozircha ma’lumot yo‘q. Bu haqda CBS telekanali xabar bermoqda.
Hodisa Los-Anjeles va Las-Vegas o‘rtasidagi yo‘lda bo‘lib o‘tdi. Mashina ichidagi odamlar transport vositalarini zudlik bilan tark etishga majbur bo‘lgan.
O‘rmon yong‘ini San-Bernardino shahridan shimoli-sharqda joylashgan 50 gektar maydonga tarqalgan. Bu hududlardagi dam olish maskanlaridan 300 ga yaqin sayyoh, jumladan, 130 nafar bola xavfsiz joyga ko‘chirildi. Yong‘in o‘chirishga aviatsiya jalb etildi.
Izoh (0)