Checheniston rahbari Ramzan Qodirov Iroq sharqida yuz bergan teraktni “dahshatli” deb atadi va terrorchilarni islomga hech qanday aloqasi yo‘q ekanligini ta’kidlab o‘tdi, deb xabar qiladi “RIA Novosti”.
17-iyul kuni Iroq sharqidagi Bani-Saad shahri bozorida mina qo‘yilgan avtomobil portladi. Odamlar Ramazon oyining tugashini nishonlash uchun bozorga yig‘ilgan vaqtida portlash yuz berdi. Natijada 120 kishi qurbon bo‘ldi. Terakt uchun javobgarlikni IShID o‘z bo‘yniga oldi.
“Butun dunyo musulmonlari uchun eng muqaddas kun Iyd al Fitrda Iroqning Bani-Saad shahrida dahshatli terakt sodir bo‘ldi… Men bir necha marta aytganman va yana qaytaraman, bu to‘daning islomga hech qanday aloqasi yo‘q… Halok bo‘lganlarning qarindoshlari va yaqinlariga ta’ziya bildiraman, jabrlanganlarning tezda sog‘ayib ketishini tilayman”, — deb yozdi Qodirov “VKontakte” tarmog‘idagi sahifasida.
Izoh (0)