Barak Obama qizlari bilan Nyu-Yorkda dam olmoqda

Barak Obama tig‘iz ish grafigida paydo bo‘lgan bo‘sh vaqtidan foydalanib, dam olish kunlarini qizlari — Maliya va Sasha bilan Nyu-Yorkda o‘tkazishga qaror qildi, deya xabar bermoqda “TASS”.

17-iyul, juma kuni kechqurun davlat rahbari Sasha va uning ikki dugonasi bilan prezidentlik samolyotida Nyu-Yorkka yetib keldi. U yerda ularni Maliya kutib oldi.

Yaqinda qizlari bilan Yevropa bo‘ylab sayohat qilib kelgan Mishel Obama bu safar uyda qolishga qaror qildi.

Eslatib o‘tamiz, 17 yoshli Maliya Obama Bruklinda mashhur “Qizlar” serialini suratga olish maydonchasida yordamchi bo‘lib ishlamoqda.