Американинг Калифорния штатида ўрмон ёнғини катта йўлга туташиб кетгани оқибатида йигирмадан зиёд автомобиль ёниб кетди. Қурбонлар ҳақида ҳозирча маълумот йўқ. Бу ҳақда CBS телеканали хабар бермоқда.
Ҳодиса Лос-Анжелес ва Лас-Вегас ўртасидаги йўлда бўлиб ўтди. Машина ичидаги одамлар транспорт воситаларини зудлик билан тарк этишга мажбур бўлган.
Ўрмон ёнғини Сан-Бернардино шаҳридан шимоли-шарқда жойлашган 50 гектар майдонга тарқалган. Бу ҳудудлардаги дам олиш масканларидан 300 га яқин сайёҳ, жумладан, 130 нафар бола хавфсиз жойга кўчирилди. Ёнғин ўчиришга авиация жалб этилди.
Изоҳ (0)