Gretsiya hukumatining yangi a’zolari qasamyod qabul qildi
17-iyul kuni Gretsiya bosh vaziri Aleksis Sipras tomonidan o‘tkazilgan o‘rin almashtirishlardan so‘ng mamlakat hukumatining vazirlar mahkamasi tarkibiga kirgan yangi a’zolari qasamyod qabul qildi, deya xabar bermoqda News 247. Marosim Afinadagi prezident saroyida davlat rahbari Prokopis Pavlopulos ishtirokida bo‘lib o‘tdi.
Gretsiya hukumatining barcha asosiy a’zolari o‘z lavozimida qoldi. Ishlab chiqarish islohotlari, atrof-muhit himoyasi va energetika vaziri, shuningdek, ba’zi vazirlar o‘rinbosarlari va boshqa mansabdorlar o‘zgartirildi. Ularning barchasi qarz beruvchilar bilan Gretsiya bank tizimiga qayta yordam berishni boshlash va hajmi 80 milliard yevro bo‘lgan yangi moliyalashtirish dasturini taqdim etish haqida shartnoma imzolash uchun zarur bo‘lgan qonun loyihasiga qarshi chiqqan edi.
