Belarus poytaxti Minskda yashovchi ikki qiz — 17 yoshli Gloriya va Liza maktabni bitirganliklarini noodatiy yo‘l bilan nishonlashga qaror qildi, deya xabar bermoqda “Gazeta.ru”. Ular Minskdan Moskvagacha bo‘lgan yo‘lni piyoda bosib o‘tdi.
Nashr yozishicha, Moskva va Minsk o‘rtasidagi masofa 713 kilometrga teng. Uni samolyotda yarim soatda, poyez yoki mashinada bir kunda bosib o‘tish mumkin. Qizlar esa eng qiyin yo‘lni tanlab, uch hafta vaqt sarfladi.
Gloriya va Liza sayohatdan oldin internet orqali yo‘nalishlarini belgilab olgani, xarita sotib olib, u orqali yo‘l yurganini aytib berdi. Shuningdek, qizlar o‘zlari bilan chodir, kiyim-kechak, telefon uchun portativ zaryad qurilmasi, fonar, qopko‘rpa, hasharotlardan himoya vositasi, qorin ochganda yeyish uchun esa faqat shokolad olib olgan.
Liza va Gloriya nashrga bergan intervyusida yo‘ldagi turli sarguzashtlari, boshlaridan kechirgan qiyinchiliklar haqida so‘zlab berdi.
Izoh (0)