Janubiy Koreyada MERS koronavirusi qurbonlari soni 35 kishiga yetdi

Janubiy Koreyada Yaqin Sharq respirator sindromi (MERS) koronavirusi tufayli vafot etganlar soni 35 kishiga yetdi, deya xabar bermoqda “RIA Novosti”.

Virusni yuqtirib olganlar soni avvalgidek 186 kishini tashkil etdi. Ayni paytda 811 kishi karantinda saqlanmoqda.

Yaqin Sharq respirator sindromi koronavirusi ilk bosqichlarida alohida alomatlarga ega emas. Eng ko‘p immuniteti zaif, surunkali o‘pka kasalliklari, qandli diabet va buyrak yetishmovchiligiga chalingan  kishilar virusni yuqtirib olish xavfiga ega.