Eronning “oltilik” (AQSh, Rossiya, Xitoy, Fransiya, Buyuk Britaniya va Germaniya) bilan kelishuvi 10-iyulga qadar uzaytirildi. Bu haqda AQSh delegatsiyasi vakiliga AFP agentligi ma’lum qildi, deya xabar bermoqda “Kommersant.ru”.
Eslatib o‘tamiz, 30-iyunda “oltilik” va Tehron Eron yadro dasturi bo‘yicha kelishuvni imzolashi kerak edi. Bu sanada barcha kelishmovchiliklarni bartaraf etishga ulgurilmadi va tomonlar salkam o‘n yildan beri davom etayotgan muzokaralarni 7-iyulgacha cho‘zishga qaror qildi. Kecha esa Yevroittifoqning tashqi ishlar va xavfsizlik siyosati bo‘yicha vakili Federika Mogerini Eron va “oltilik” o‘rtasidagi muzokaralar yana bir necha kunga cho‘zilishi mumkinligi to‘g‘risida bayon qildi.