Amerikalik olimlar ming nafar tengdosh kishilar — 38 yoshli yangi zelandiyaliklarni tadqiq qilib, odamlar turli tezlikda qarishi, ularning haqiqiy (biologik) yoshi esa taqvim bo‘yicha yoshidan bir necha marta farq qilishini aniqladi. Tadqiqot natijalari Proceedings of the National Academy of Sciences jurnalida keltirildi.
Kishining real yoshini aks ettiruvchi 18 ta biologik markerdan iborat ro‘yxat tuzildi, bunga jumladan, buyrak va jigar ahvoli, xolesterin darajasi, yurak va qon-tomir tizimining funksional holati va boshqalar kiritildi.
Ushbu markerlarning o‘zgarish dinamikasi yangi zelandiyaliklar 26, 32 va 38 yoshda bo‘lganida o‘lchab ko‘rildi. 38 yoshlilarning biologik yoshi 28—61 yosh orasida bo‘lishi aniqlandi.
Biologik yoshi taqvim yoshidan katta bo‘lganlar odatda keksa kishilarga beriladigan sinovlardan yaxshi o‘ta olmadi. Ularga jismoniy harakatlar ham qiyinchilik tug‘dirdi.
Tadqiqot natijasida olimlar erishgan asosiy yutuq shundan iborat bo‘ldiki, biologik markerlar yordamida keksa yoshdagilar uchun xos bo‘lgan kasalliklar aniqlangan o‘rta yoshli bemorlarning qarish jarayonini o‘lchash imkoniyati mavjud ekan.
Izoh (0)