2018-yilda Rossiyada o‘tkaziladigan jahon chempionati timsoliga nomzod 10 qahramondan iborat ro‘yxatga o‘zga sayyoralik, robot, kosmonavt, bahodir, olov qush, ayiq, mushuk, Amur yo‘lbarsi, bo‘ri va Uzoq Sharq leopardi kiritildi. Ushbu qahramonlar 50 mingdan ortiq kishi ishtirok etgan onlayn so‘rovnoma yakuniga ko‘ra tanlab olindi, deb xabar qiladi “Meduza”.
2015-yilning sentabr—noyabr oylarida Rossiyaning rassomchilik OTM talabalari o‘rtasida tanlov o‘tkaziladi va ular timsollarning xomaki namunasi dizaynini chizadi. Jyurilar eng yaxshi 3 ta ishni tanlagach, ular rossiyaliklar orasida ovozga qo‘yiladi. Rasmiy timsolning taqdimoti 2016-yilda o‘tkaziladi.
Rossiyaliklar bo‘lajak timsolning asosiy atributlari futbol to‘pi va butsa bo‘lishi kerak, deb hisoblamoqda. Boshqa aksessuarlar qatorida hushtak, soat, qo‘lqop va ryukzak tilga olinmoqda.
Izoh (0)