Turkiyaning Istanbul shahrida tennis bo‘yicha “Fyuchers” turkumiga kiruvchi sovrin jamg‘armasi 10 ming AQSh dollaridan iborat bo‘lgan turnirning asosiy to‘r bahslari davom etmoqda. Musobaqada o‘zbekistonlik Temur Ismoilov ham o‘z imkoniyatini sinovdan o‘tkazyapti, deb xabar beradi “Olamsport.com”.
O‘zbekistonlik iste’dodli tennischi ilk davrada britaniyalik Tobi Martinga qarshi kortga chiqdi. Istanbul turnirida beshinchi raqam ostida tasniflangan Ismoilov raqibini 7:6(3), 6:4 hisobida mag‘lub etdi.
Temurning ikkinchi bosqichdagi raqibi turkiyalik Anil Yuksel bo‘ladi.
Eslatib o‘tamiz, Temur Ismoilov o‘tgan haftada Istanbulda o‘tkazilgan boshqa musobaqada vitse-chempionga aylandi.
Izoh (0)