Meksikaning eng yirik mediaxoldinglaridan biri hisoblangan Grupo Televisa meksikalik mehnat muhojirlari haqida bildirgan fikrlari sabab AQSh prezidentligiga nomzod, milliarder Donald Tramp nomi bilan bog‘liq har qanday loyihaga nisbatan boykot e’lon qildi. Bu haqda “RIA Novosti” xabar bermoqda.
Yaqinda Tramp Meksika asosan giyohvand moddalar savdosi va jinoyatchilik bilan shug‘ullanuvchi eng yomon odamlarni AQShga yuboradi, deya fikr bildirgan edi.
“Janob Tramp meksikalik muhojirlarni na tushuna oldi, na hurmat qildi va butun Meksika aholisini haqorat qildi”, - deyiladi xolding bayonotida.
Shu munosabat bilan Televisa Trampga aloqasi bo‘lgan hech bir loyihada, xususan, “Olam go‘zali” tanlovini yoritishda ishtirok etish imkoniyatini ko‘rmayapti.
Televisa Meksikaning eng yirik telekanallaridan biri hisoblanadi va Lotin Amerikasida ispan tilida teledasturlar ishlab chiqarish bo‘yicha yetakchi o‘rinlardan birini band etgan.
Avvalroq Amerikaning Univision va NBC telekanallari ham aynan meksikalik muhojirlar haqida bildirgan fikrlari sabab Tramp bilan hamkorlik qilishdan bosh tortgandi.
Izoh (0)