AQSh o‘z raketa kreyserlarini Yaponiyaga joylashtirish bilan Koreya yarimorolida atom urushini keltirib chiqarmoqchi, deb yozadi Shimoliy Koreyaning KMTA agentligi. Bu haqda “RIA Novosti” xabar bermoqda.
KMTA ma’lumotlariga ko‘ra, AQSh harbiy-dengiz kuchlari hozirgacha Yaponiyaning Yokosuke manzilgohiga Aegis raketaga qarshi mudofaa (RQM) tizimi bilan ta’minlangan Chancellorsville kreyserini joylashtirgan, 2017-yilda esa u yerda yana ikkita shunday Amerika kreyserlari paydo bo‘ladi. Aegis RQM tizimi bilan ta’minlangan kemalar ballistik raketalarni kuzatish va ulari yuqori aniqlikda urib tushirish imkoniga ega.
2015-yil oxirida Yokosukeda AQShning “Ronald Reygan” atom suvosti kemasi paydo bo‘ladi. “Bularning bari Yaponiyada joylashgan AQSh kreyserlari soni 14taga yetishini va Yaponiya sohillarida Ikkinchi jahon urushidan beri eng yirik harbiy flot paydo bo‘lishini bildiradi”, - deyiladi agentlik xabarida.
Shimoliy Koreya ma’lumotlariga ko‘ra, iyul oyida AQSh Yaponiyaning Misava aerodromiga to‘rtta RQ-4 Global Hawk strategik razvedka dronlarini joylashtirishni rejalashtirmoqda. “AQShning Yaponiyadagi harbiy faolligi KXDR va Xitoyni qamal qilishga urinishdir”, - deyiladi KMTA xabarida.
Izoh (0)