АҚШ ўз ракета крейсерларини Японияга жойлаштириш билан Корея яриморолида атом урушини келтириб чиқармоқчи, деб ёзади Шимолий Кореянинг КМТА агентлиги. Бу ҳақда «РИА Новости» хабар бермоқда.
КМТА маълумотларига кўра, АҚШ ҳарбий-денгиз кучлари ҳозиргача Япониянинг Йокосуке манзилгоҳига Aegis ракетага қарши мудофаа (РҚМ) тизими билан таъминланган Chancellorsville крейсерини жойлаштирган, 2017 йилда эса у ерда яна иккита шундай Америка крейсерлари пайдо бўлади. Aegis РҚМ тизими билан таъминланган кемалар баллистик ракеталарни кузатиш ва улари юқори аниқликда уриб тушириш имконига эга.
2015 йил охирида Йокосукеда АҚШнинг «Рональд Рейган» атом сувости кемаси пайдо бўлади. «Буларнинг бари Японияда жойлашган АҚШ крейсерлари сони 14тага етишини ва Япония соҳилларида Иккинчи жаҳон урушидан бери энг йирик ҳарбий флот пайдо бўлишини билдиради», - дейилади агентлик хабарида.
Шимолий Корея маълумотларига кўра, июль ойида АҚШ Япониянинг Мисава аэродромига тўртта RQ-4 Global Hawk стратегик разведка дронларини жойлаштиришни режалаштирмоқда. «АҚШнинг Япониядаги ҳарбий фаоллиги КХДР ва Хитойни қамал қилишга уринишдир», - дейилади КМТА хабарида.
Изоҳ (0)