FIFA ijroiya qo‘mitasining sobiq a’zosi Chak Bleyzer korrupsiyaga aralashganini tan oldi, deb xabar qiladi “Sport-express.ru”.
Amaldor 2010-yilgi jahon chempionati JARga berilayotganida pora olishda ishtirok etganini aytib o‘tdi. Bundan tashqari, Bleyzer boshqa amaldorlar bilan 1998-yilgi mundialni Marokashga noqonuniy berishga rozi bo‘lganini ma’lum qildi. Ammo o‘sha JCh yakunda Fransiyada o‘tkazilgandi.
Eslatib o‘tamiz, may oyi oxirida FIFAning bir necha vakili korrupsiyaga aralashganlikda gumon qilinib, qo‘lga olindi. Ularning ko‘pchiligiga 2018 va 2022-yilgi jahon chempionatlari mezbonini aniqlashda pora olish aybi qo‘yilmoqda. Bu voqealar fonida FIFA prezidenti lavozimiga qayta saylangan Yozef Blatter esa o‘z lavozimini tark etishini ma’lum qildi.
“Men va FIFAning boshqa a’zolari 2010-yilgi jahon chempionati Janubiy Afrikada tashkillashtirilgani uchun pora olganmiz. Bundan tashqari, men atrofimdagilar bilan 1992-yili JCh—1998 mezbonini aniqlash jarayonida Marokashdan pora olganman”, — dedi Bleyzer.
Izoh (0)