“Buxoro” jamoasi O‘zbekiston chempionati tarixidagi eng yomon startini boshdan kechirmoqda. Shu munosabat bilan rahbariyat tomonidan jamoa murabbiylar shtabida jiddiy o‘zgartirishlar amalga oshirildi, deb xabar qiladi “Uff.uz”.
Jamoada Mochinovdan so‘ng vaqtinchalik bosh murabbiy vazifasini bajargan Shuhrat Fayziyev iste’foga chiqarildi. Undan tashqari darvozabonlar murabbiyi bo‘lib ishlab kelgan Nurillo Habibovga va jismoniy tayyorgarlik bo‘yicha murabbiy Yevgeniy Antonenkoga ham javob berildi.
2-iyun kuni jamoa a’zolari bilan tashkillashtirilgan yig‘ilishda, rasman Jamshid Saidov “Buxoro”ning bosh murabbiyi sifatida tanishtirildi. Klubning jismoniy tayyorgarlik bo‘yicha murabbiyi lavozimiga Kadimov Vyugar tayinlandi.
Katta ehtimol bilan davrozabonlar murabbiyi etib Sergey Zaxaretskiy tayinlanadi. Bulardan tashqari jamoaga yana 2—3 ta murabbiylar tashrif buyurishi kutilmoqda.
Jamoa rahbariyatida ham o‘zgarish bo‘ldi. Klubda direktor vazifasida ishlab kelgan Amrillo Najmiddinov o‘rniga Alisher Rustamov ish boshladi.
Izoh (0)