2015-yilning iyun oyidan Jahon Chempionati—2018 saralashining ikkinchi bosqichi start oladi. O‘zbekiston terma jamoasi o‘zining saralash bosqichidagi dastlabki uchrashuvini 16-iyunda o‘tkazadi. Shu kuni Mirjalol Qosimov shogirdlari Pxenyanda KXDR terma jamoasiga qarshi maydonga tushadi, deb xabar qiladi O‘zbekiston futbol federatsiyasi matbuot xizmati.
Oldinda turgan o‘yinlarga O‘zbekiston milliy terma jamoasi 8-iyundan boshlab tayyorgarlik ko‘radi. 11-iyun kuni “Bunyodkor” stadionida jamoa Eron termasiga qarshi o‘rtoqlik uchrashuvi o‘tkazadi. Toshkentdagi yig‘in 14-iyungacha davom etadi va shundan so‘ng jamoa Pxenyanga uchib ketadi.
O‘zbekiston milliy terma jamoasi murabbiylar shtabi ushbu yig‘in va oldindagi ikki o‘yinda ishtirok etadigan futbolchilar ro‘yxatini ma’lum qildi.
Darvozabonlar: Eldor Suyunov (“Nasaf”), Akbar To‘rayev (“Bunyodkor”), Ignatiy Nesterov (“Lokomotiv”).
Himoyachilar: Anzur Ismoilov (“Chanchun Yatay”, Xitoy), Shavkat Mullajonov (“Lokomotiv”), Shuhrat Muhammadiyev (“Nasaf”), Yegor Krimets (“Paxtakor”), Islom To‘xtaxo‘jayev (“Lokomotiv”), Vitaliy Denisov (“Lokomotiv”, Rossiya), Akmal Shorahmedov (“Bunyodkor”), Farrux Sayfiyev (“Nasaf”).
Yarim himoyachilar: Aziz Haydarov (“Ash-Shabob”, BAA), Odil Ahmedov (“Krasnodar”, Rossiya), Server Jeparov (“Ulsan Xyonday”, Janubiy Koreya), Lutfulla To‘rayev (“Lokomotiv”), Sanjar Tursunov (“Vorskla”, Ukraina), Sardor Rashidov (“Bunyodkor”), Shohrux Gadoyev (“Nasaf”), Ikrom Aliboyev (“Lokomotiv”), Jasur Hasanov (“Lokomotiv”), Fozil Musayev (“Sepaxon”, Eron).
Hujumchilar: Zohir Qo‘ziboyev (“Mash’al”), Bahodir Nasimov (“Padideh”, Eron), Igor Sergeyev (“Paxtakor”).
Izoh (0)