Rustam Qosimjonov FIDE reytingida 41-o‘ringa tushib ketdi

Xalqaro shaxmat federatsiyasi FIDE shaxmatchilarning iyun oyi uchun yangi reytingini e’lon qildi. Unga ko‘ra, o‘zbekistonlik 17-jahon chempioni Rustam Qosimjonov reytingda 41-o‘rinni egallab turibdi, deb xabar beradi “Olamsport.com”.

May oyida Qosimjonov 35-pog‘onadan o‘rin olgan edi. Amaldagi jahon chempioni norvegiyalik Magnus Karlsen hali ham reyting peshqadami bo‘lib turibdi. Kuchli uchlikdan italiyalik Fabiano Karuana hamda sobiq jahon chempioni hindistonlik Vishvanatan Anand joy olgan.

Kuchli o‘ntalik: Magnus Karlsen (Norvegiya) — 2876, Fabiano Karuana (Italiya) — 2805, Vishvanatan Anand (Hindiston) — 2804, Xikaru Nakamura (AQSh) — 2802, Veselin Topalov (Bolgariya) — 2798, Vladimir Kramnik — 2783, Aleksandr Grishuk (ikkisi ham Rossiya) — 2781, Levon Aronyan (Armaniston) — 2780, Uesli So (AQSh) — 2778, Anish Giri (Gollandiya) — 2773.

O‘zbekistonlik shaxmatchilar reytingi: GM Rustam Qosimjonov — 2704, GM Anton Filippov — 2591, GM Jahongir Vohidov — 2535, GM Marat Jumayev — 2502, GM Mixail Saltayev — 2495, GM Saydali Yo‘ldoshev — 2471, GM Aleksey Barsov — 2455, GM Tohir Vohidov — 2445, FM Nodirbek Abdusattorov — 2443, FM Akmal Fayzullayev — 2418.