ФИФА ижроия қўмитасининг собиқ аъзоси Чак Блейзер коррупцияга аралашганини тан олди, деб хабар қилади «Sport-express.ru».
Амалдор 2010 йилги жаҳон чемпионати ЖАРга берилаётганида пора олишда иштирок этганини айтиб ўтди. Бундан ташқари, Блейзер бошқа амалдорлар билан 1998 йилги мундиални Марокашга ноқонуний беришга рози бўлганини маълум қилди. Аммо ўша ЖЧ якунда Францияда ўтказилганди.
Эслатиб ўтамиз, май ойи охирида ФИФАнинг бир неча вакили коррупцияга аралашганликда гумон қилиниб, қўлга олинди. Уларнинг кўпчилигига 2018 ва 2022 йилги жаҳон чемпионатлари мезбонини аниқлашда пора олиш айби қўйилмоқда. Бу воқеалар фонида ФИФА президенти лавозимига қайта сайланган Йозеф Блаттер эса ўз лавозимини тарк этишини маълум қилди.
«Мен ва ФИФАнинг бошқа аъзолари 2010 йилги жаҳон чемпионати Жанубий Африкада ташкиллаштирилгани учун пора олганмиз. Бундан ташқари, мен атрофимдагилар билан 1992 йили ЖЧ—1998 мезбонини аниқлаш жараёнида Марокашдан пора олганман», — деди Блейзер.
Изоҳ (0)