Checheniston rahbari Ramzan Qodirov Gollivud rejissorining “Tushunmagan tushunadi” filmida suratga tushdi, deya xabar bermoqda “Snob.ru”. U o‘z Instagram’iga filmdan bir parcha joyladi.
Qisqa videorolikda Qodirov qo‘lida avtomat bilan yugurib, havoga o‘q uzayotganini ko‘rish mumkin. Unga hamrohlik qilayotgan yoki uni ta’qib qilayotgan jiplardagi kishilar ham havoga o‘q otmoqda.
“Bu o‘tkir syujetli kartina, uzoq muzokaralardan so‘ng unda bosh rolni o‘ynashga rozi bo‘lgan edim”, — deb yozadi Checheniston rahbari. Uning so‘zlariga ko‘ra, filmda “jahon yulduzlarining yirik namoyandalari” suratga tushgan, unga “taniqli Gollivud filmlari muallifi” rejissorlik qilgan.
Kartinani qachon ko‘rish mumkin bo‘lishi noma’lum, Qodirov aytishicha, film “tez orada” kinoteatrlar ekranlariga chiqadi.
Izoh (0)