The Beatles guruhi a’zosi Jorj Harrisonning gitarasi Nyu-Yorkdagi kimoshdi savdosida 490 ming dollarga sotildi. Bu haqda Kommersant.ru xabar bermoqda.
Jorj Harrison bu gitarani Britaniyada sotib olgan va u bilan 1963-yil yozida bir necha bor sahnaga chiqqan. Qayd etishlaricha, gitara rok-musiqaga bag‘ishlangan ikki kunlik kimoshdi savdolarda sotuvga qo‘yilgan edi.
Xususan, savdolar chog‘ida rok-n-roll qiroli Elvis Presli 1975-yili Las-Vegasdagi konsertda kiyib chiqqan libos 122 ming dollarga, xonandaning Pristsilla Presli bilan 1967-yilda nikohga kirgani haqidagi guvohnoma esa 40 ming dollardan qimmatroqqa sotildi.
Auksionda, shuningdek, Jimi Hendriksning nimchasi 59 ming dollar taklif qilgan xaridorga pullandi.
Izoh (0)