Estradamizning yorqin yulduzi Shahzodaning 15 yillik ijodiy konsert dasturi 7 kun davom etdi, deb yozadi “Popcorn.uz”.
Shahzodaning yubiley shou konsert dasturini tomosha qilish uchun Rossiyaning “Muz-TV” telekanali bosh direktori Arman Davletyarov tashrif buyurib xonandani yutuqlari bilan qutladi.
“Konsertni bir nafasda tomosha qildim. To‘g‘risi nimagadir chalg‘ishga, zerikishga umuman imkon bo‘lmadi. Chunki ta’sirlanishim, hayratlanishim, bir olam shodlik olishim uchun sabablar ko‘p edi. Avvalambor, sahna ko‘rinishlari, dekoratsiya, zamonaviy yoritish uskunalari, har bir qo‘shiq dekoratsiyaning o‘zgarishi bilan uyg‘unlashishi, zamonaviy texnologiyalar va jahon standartiga javob beradigan texnikalardan unumli foydalanilgan. Shahzoda uchun tanlangan liboslar, sahnalashtirilgan raqslar bir so‘z bilan aytganda tomoshabinga zamon bilan hamnafas haqiqiy shou taqdim etdi. Konsertni tomosha qilib bir olam zavq oldim”, — dedi Davletyarov.
U mamnuniyat bilan Shahzodani 4-iyunda Ostona shahrida bo‘lib o‘tadigan Pre-party “Premiya Muz-TV 2015. Gravitatsiya” Open Air gala konsertida ishtirok etish uchun taklif etdi. “Qizil yo‘laklarda boshqa yulduzlar qatorida sevimli xonandamiz Shahzodani ko‘rish biz uchun sharaf. Bugungi chiroyli shou uchun esa sevimli xonandamizga minnatdorchiligimni bildirib qolaman”, — dedi u.
Izoh (0)