Disney Forbes jurnali tomonidan Gollivudning eng ko‘p foyda oladigan kinostudiyasi deb topildi. Bu haqda “RBK” xabar bermoqda.
Studiyaning 2014-yildagi aylanma mablag‘i 7,2 milliard dollarni, foydasi esa 1,7 milliard dollarni tashkil etdi. Disney tomonidan suratga olingan “Malefisenta” filmining o‘zi butun jahon bo‘ylab 758 million dollar yig‘di.
“Forsaj 7”ni suratga olgan NBC Universal kinostudiyasi o‘tgan yili 5 milliard daromad qildi va shundan 711 million dollar sof foydani tashkil etdi.
Ammo eng ko‘p foyda olish bo‘yicha ikkinchi o‘rinni Century Fox egalladi. “Yo‘qolgan ayol”, “Yulduzlar aybdor”, “Maymunlar sayyorasi: Inqilob”, “Iks odamlar” va “Rio 2” kabi blokbasterlarni suratga olgan kompaniya 2014-yilda 10,3 milliard daromad va 1,5 milliard sof foyda qildi.
Reytingdagi keyingi o‘rinlarni Warner Bros. (foyda — 1,2 milliard dollar, daromad — 12,5 milliard dollar), Sony (foyda — 540 million dollar, daromad — 6,9 milliard dollar) va Paramount (foyda — 219 million dollar, daromad — 3,7 milliard dollar) egalladi.
Izoh (0)