Turkiya bosh vaziri Ahmet Davuto‘g‘lu Ukraina o‘z xalqi xavfsizligini ta’minlay olishi uchun uni qo‘llab-quvvatlash zarurligi haqida bayonot berdi. Bu haqda Korrespondent.net xabar bermoqda.
NATOga a’zo mamlakatlarning tashqi ishlar vazirlari sammitining Belek shahrida bo‘lib o‘tgan majlisida so‘zga chiqqan Davuto‘g‘lu, “yordam qo‘lini cho‘zish vaqtida ayniqsa qrim-tatar xalqining qiyinchiliklarini ham yoddan chiqarmaslik kerakligini” ta’kidladi.
U, shuningdek, Qrimning Rossiya tomonidan qo‘shib olinishini “noqonuniy va mutlaqo chidab bo‘lmas holat” deb atadi. “Biz uchun qrim-tatarlar bilan aloqalarni saqlab qolish va ularning qamalda qolib ketmasligini ta’minlash muhim ahamiyatga ega”, - dedi Turkiya bosh vaziri.
Izoh (0)