Buyuk Britaniyaning Torki shahrida istiqomat qiluvchi Treysi Vestvud ismli ayolning Merlin laqabli mushugi xirillash ovozining balandligi bo‘yicha yangi jahon rekordini o‘rnatdi. Bu haqda RG.ru xabar bermoqda.
Treysi Vestvud mushukni bundan 13 yil avval jonivorlarni qutqarish markazidan olgan, biroq uning haqiqiy rekordchi ekanligini yaqinda bilgan. Xususan, mobil telefondagi ilova-dastur bu mushukning xirillash ovozi balandligi 98-100 detsibelga tengligini ko‘rsatgan.
Shunan so‘ng Vestvu Ginnesning rekordlar kitobi tahririyatiga qo‘ng‘iroq qilgan. U yerdan tegishli mutaxassislar yetib kelib, mushukning xirillashi ovozi balandligini o‘lchab ko‘rishgan. Tushlikdan so‘ng Merlin 67,8 detsibel balandlikdagi ovoz bilan xirillab, yangi jahon rekordini o‘rnatgan.
https://youtu.be/eLMDO1fiYns
Merlingacha xirillash bo‘yicha rekord 2011-yili Smoki laqabli mushuk tomonidan o‘rnatilgan edi (67,68 detsibel). Qayd etish joiz, oddiy uy mushugining xirillash ovozi balandligi o‘rtacha 25 detsibelga yetadi.
Izoh (0)