AQSh sobiq prezidenti Bill Klinton rafiqasi Hillari 2016-yildagi davlat rahbarligiga saylovlarda g‘alaba qozongan taqdirda Oq uyga qaytishga umid bildirdi. Bu haqda u 12-may kuni CBS telekanaliga bergan intervyusida aytib o‘tdi.
Uning aniqlik kiritishicha, Klinton dastlab Demokratik partiyadan nomzodlar orasida yutib chiqishi kerak, shundan so‘ng AQSh sobiq davlat kotibi asosiy saylovlarda g‘olib chiqishi kerak bo‘ladi. AQShni 1993—2001-yillarda boshqargan Klinton ta’kidlashicha, rafiqasi g‘olib bo‘lsa, “Oq uyga qaytish imkoniyati 100 foizga teng bo‘ladi”.
“Oq uyni tark etganimdan so‘ng tajribam ko‘rsatishicha, qaysi partiyadan bo‘lishidan qat’iy nazar, prezident iltimos qilganda, rozi bo‘lasiz. Shunday ekan, men taklifga umid qilmoqdaman”, — deya qayd etdi Klinton.
Uning ishonch bildirishicha, Hillarining prezidentlik saylovlaridagi g‘alabasi AQShga ijobiy ta’sir o‘tkazadi. “Uning yutib chiqishiga umid qilaman”, — deya qo‘shib qo‘ydi sobiq davlat rahbari.
Eslatib o‘tamiz, Hillari Klinton AQSh prezidentligiga nomzodini qo‘yishini 12-aprelda ma’lum qilgan edi. “Amerikaga qahramonlar kerak, va men ana shunday qahramon bo‘lmoqchiman”, — degan edi Hillari Klinton.
Izoh (0)