Saudiya Arabistoni Yamanga gumanitar yordam sifatida qo‘shimcha 270 million dollar taqdim etadi. Bu haqda “TASS” xabar bermoqda.
Shunday qilib, Saudiya Arabistoni Yamanga ko‘rsatadigan gumanitar yordam miqdori 540 million dollarga yetdi. Avvalroq, Yamanga yordam ko‘rsatilishi haqida Saudiya Arabistoni qiroli Salmon bin Abdul Aziz ma’lum qilgandi.
Eslatib o‘tamiz, 12-may kuni Saudiya Arabistoni ittifoqchi kuchlari bilan birga Yamandagi isyonchi-xusiylarga qarshi o‘tkazilayotgan “Umidning uyg‘onishi” harbiy operatsiyasini vaqtincha to‘xtatgan edi.
E’tiborli tomoni, ikki tomon ham Yaman xalqiga gumanitar yordam ko‘rsatilishi uchun besh kunlik sulhga rozi bo‘lgan bo‘lsa-da, Yamanning turli burchaklarida qurolli to‘qnashuvlar to‘xtamayapti.
Izoh (0)