AQShning Pensilvaniya shtati Filadelfiya shahridan uncha uzoq bo‘lmagan yerda Vashington — Nyu-York yo‘nalishi bo‘yicha harakatlanayotgan yo‘lovchi poyezdi halokatga uchradi. Halokat natijasida 5 kishi hayotdan ko‘z yumdi va 130 kishi jabrlandi, deb xabar qiladi “RIA Novosti”.
Poyezdning 10 ta vagonidan 8 tasi relsdan chiqib ketgan va ag‘darilib tushgan. Hodisa mahalliy vaqt bilan 22:00 (Toshkent vaqti bilan 07:00)da sodir bo‘lgan.
Poyezdda jami 240 kishi bo‘lgan. Filadelfiya shifoxonasiga olib ketilganlardan 6 nafarining ahvoli og‘ir.
Hozircha poyezd halokatining sabablari aniqlanmadi. Ammo FQB halokatga teraktning aloqasi yo‘qligini ta’kidlamoqda.
Voqea joyida 200 nafar qutqaruvchi ishlamoqda.
Izoh (0)