AQSh prezidenti Barak Obama 13-may, chorshanba kuni Oq uyda Fors ko‘rfazi arab davlatlari hamkorlik kengashidagi sheriklari bilan kechki ovqat ustida uchrashadi, deya xabar bermoqda “TASS”.
Ushbu sammitni chaqirish tashabbusi bilan Obama aprel boshida chiqish qilgan edi. Dastlab Bahrayn, Qatar, Kuvayt, BAA, Ummon va Saudiya Arabistoni yetakchilari taklif qilingan edi. Biroq o‘tgan hafta oxirida Saudiya Arabistoni tashqi ishlar vazirligi qirolning bormasligini ma’lum qildi.
Buni AQShdagi ba’zi OAVlar Ar-Riyod tomonidan AQShning Eron bilan munosabatlari tufayli Obama ma’muriyatidan noroziligi haqida berilgan ishoraga yo‘ydi. Oq uy esa bunday ishora berilgan taqdirda ham, ular buni eshitmaganini ta’kidladi.
Endi ma’lum bo‘lishicha, sammitga faqat Qatar va Kuvayt amirlari keladi, Bahrayn, BAA Saudiya Arabistoni kabi merosxo‘r shahzodalarni, Ummon bosh vazir o‘rinbosarini yuboradi.
Izoh (0)