АҚШ собиқ президенти Билл Клинтон рафиқаси Ҳиллари 2016 йилдаги давлат раҳбарлигига сайловларда ғалаба қозонган тақдирда Оқ уйга қайтишга умид билдирди. Бу ҳақда у 12 май куни CBS телеканалига берган интервьюсида айтиб ўтди.
Унинг аниқлик киритишича, Клинтон дастлаб Демократик партиядан номзодлар орасида ютиб чиқиши керак, шундан сўнг АҚШ собиқ давлат котиби асосий сайловларда ғолиб чиқиши керак бўлади. АҚШни 1993—2001 йилларда бошқарган Клинтон таъкидлашича, рафиқаси ғолиб бўлса, «Оқ уйга қайтиш имконияти 100 фоизга тенг бўлади».
«Оқ уйни тарк этганимдан сўнг тажрибам кўрсатишича, қайси партиядан бўлишидан қатъий назар, президент илтимос қилганда, рози бўласиз. Шундай экан, мен таклифга умид қилмоқдаман», — дея қайд этди Клинтон.
Унинг ишонч билдиришича, Ҳилларининг президентлик сайловларидаги ғалабаси АҚШга ижобий таъсир ўтказади. «Унинг ютиб чиқишига умид қиламан», — дея қўшиб қўйди собиқ давлат раҳбари.
Эслатиб ўтамиз, Ҳиллари Клинтон АҚШ президентлигига номзодини қўйишини 12 апрелда маълум қилган эди. «Америкага қаҳрамонлар керак, ва мен ана шундай қаҳрамон бўлмоқчиман», — деган эди Ҳиллари Клинтон.
Изоҳ (0)