Pablo Pikasso kartinasi Nyu-Yorkdagi auksionda 179 mln dollarga sotilib, rekord qo‘ydi

AQShning Nyu-York shahridagi Christie’s auksionida Pablo Pikassoning kartinasi 179,4 million dollarga sotilib, eng qimmat san’at asariga aylandi, deb xabar qiladi “RBK”.

“Jazoir ayollari” (Les femmes d’Alger) surati oldinroq Christie’s mutaxassislari tomonidan 140 million dollarga baholangandi. Savdolar 100 milliondan boshlandi, kartinaga da’vogarlar keskin bahslardan so‘ng narxni 179 365 000 dollarga olib chiqdi. Auksionning komissiyasi 12 foizni tashkil qildi.

Avvalgi rekord 2013-yilning noyabrida Christie’s auksionida Frensis Bekonning 142,4 millionga sotilgan uch suratni birlashtirgan asariga tegishli edi.

“Jazoir ayollari” kartinasi uzoq vaqt amerikalik kolleksionerlar Viktor va Salli Gansga tegishli bo‘lgan. Keyin ular suratni londonlik noma’lum kolleksionerga sotgan. 1997-yilda kartinaning narxi 31 million dollarni tashkil qilgan.

Suratning yangi egasi ism-sharifi sir saqlanmoqda.