Rossiya prezidenti matbuot kotibi Dmitriy Peskov Vladimir Putinning AQSh bosh kotibi Jon Kerri bilan 12-may kuni Sochida uchrashishi haqidagi ma’lumotni tasdiqlamadi, deb yozadi “Vedomosti”.
“Bunday uchrashuv o‘tkaziladigan taqdirda, xabar beramiz”, — dedi Peskov “Govorit Moskva” radiostansiyasi efirida. Uning so‘zlariga ko‘ra, Putinning Kerri bilan uchrashishi haqidagi qaror qabul qilinganicha yo‘q.
Avvalroq AQSh davlat departamenti Jon Kerri 12-may kuni Sochida Rossiya prezidenti Vladimir Putin, tashqi ishlar vaziri Sergey Lavrov va Rossiyaning boshqa rasmiylari bilan uchrashishi haqida xabar bergan edi.
“Jon Kerri ikki tomonlama va mintaqaviy dolzarb, xususan, Eron, Suriya va Ukrainaga doir masalalarni muhokama qiladi. Tashrif Rossiyaning yuqori martabali vakillari bilan bevosita aloqalarni saqlab qolish va AQShning yondashuvlarini tushuntirish bo‘yicha davom etayotgan urinishlarimizning bir qismidir”, – deyiladi AQShning Rossiyadagi elchixonasi xabarida.
Izoh (0)