AQShning Arkanzas shtati Neshvill shahrida kuchli dovul tufayli ikki kishi halok bo‘ldi, deya xabar bermoqda “TASS”. Govard okrugida tornado yuzaga kelishi haqida ogohlantirish e’lon qilindi.
Texas shtati Ven shahrida esa ofatdan 26 kishi zarar ko‘rdi. Bir nechta uy vayron bo‘ldi, ba’zi inshootlar shikastlandi, daraxtlar quladi, elektr uzatish simlari uzildi.
Delmont shaharchasida (Janubiy Dakota shtati) tornado bir nechta binoga zarar yetkazdi, shahar aholisi esa omborxonada saqlanadigan suyultirilgan gaz ballonlaridan yetishi mumkin bo‘lgan xavf tufayli evakuatsiya qilindi.
Izoh (0)