Britaniya shahzodasi Garri tez orada o‘z sevgilisini topishga va farzandlar ko‘rishga umid qilmoqda. Bu haqda qirollik oilasining 30 yoshli vakili 11-may, dushanba kuni Sky News telekanaliga bergan intervyusida aytib o‘tdi, deb yozadi “TASS”.
“Albatta, men farzandlar ko‘rishni istardim. Biroq yengib o‘tish kerak bo‘lgan vaziyatlar bor. Barchasini to‘g‘ri qilyapman, degan umiddaman”, — dedi u.
Britaniya taxtiga navbat bo‘yicha beshinchi da’vogar, Qurolli kuchlar kapitani shahzoda Garri yaqinda Avstraliyadagi bir oylik harbiy safarini tugallab, endi Yangi Zelandiyada bo‘lib turibdi.
Akasi Uilyam 30 yoshida armiyadan ketgani kabi, Garri ham iyun oyida armiyani tark etishi kutilmoqda. Biroq u o‘z vaqtini oila qurishga bag‘ishlashi noma’lum, gap shundaki, mahalliy OAVlar yozishicha, u urush faxriylari, yovvoyi tabiat muhofazasi va Afrikani rivojlantirishga yordam berish bilan shug‘ullanuvchi xayriya tashkilotlarida ish boshlamoqchi.
Izoh (0)