Kuvaytda joylashgan iqtisodiy va ijtimoiy rivojlanish arab fondi Yaman hukumatiga umumiy qiymati 132,5 million dollarni tashkil qiladigan ikkita kredit ajratadi, deb xabar qiladi “Vedomosti.ru”.
11-may kuni fond vakillari va Yaman vitse-prezidenti Holid Bahah boshchiligidagi delegatsiya o‘rtasida kerakli hujjatlar imzolandi.
“30 million dinor (99,3 million dollar)lik kredit mintaqa (Yaman)dagi yo‘l tarmog‘ini rivojlantirish uchun ajratildi. 10 million dinor (33,2 million dollar)lik kredit jamoatchilik ehtiyojlariga yo‘naltirildi”, — deyiladi bayonotda.
Kelishuvning birinchi bandi bo‘yicha ajratilgan pullar uzoqdagi shahardan uzilib qolgan qishloqlarga boradigan yo‘llarni yaxshilash hamda ularning aholisiga asosiy mahsulot va xizmatlarni yetkazib berish uchun sarflanadi.
Ikkinchi kredit esa kambag‘allik darajasini pasaytirish, yangi ish o‘rinlari yaratib, ishsizlik bilan kurashish va gumanitar dasturlarni amalga oshirishga sarflanadi.
Izoh (0)