Ukrainaning amaldagi prezidenti Pyotr Poroshenkoning boyligi 2013-yil noyabridan beri 30 foizga kamaydi. Bu haqda, Bloomberg agentligi ma’lumotlariga asoslanib, “Segodnya.ua” xabar bermoqda.
Bundan 18 oy avval Bloomberg Billionaires Index reytingida Poroshenkoning boyligi 1 milliard dollarga baholangandi, ayni vaqtda esa uning davlati 720 million dollarga baholanmoqda.
Bloomberg ma’lumotlariga ko‘ra, 2012-yildan beri Poroshenkoga tegishli bo‘lgan Roshen kompaniyasi daromadi 25 foizga qisqargan, bunga kompaniya mahsulotlari uchun Rossiya bozori yopilgani, Rossiyadagi korxonalarining mulki hibsga olingani sabab bo‘ldi.
Poroshenko prezident etib saylanishidan avval, kompaniyani sotib yuborishga va’da bergandi. O‘zi asoschisi hisoblangan Roshen’ni Poroshenko 3 milliard dollarga baholamoqda, biroq bu narxga Ukrainaning eng yirik qandolat kompaniyasini sotib olishga rozi bo‘ladigan xaridor hozircha topilgani yo‘q.
Izoh (0)