Yoqutistonda sud qabrdan smartfonni kovlab olgan 36 yoshli muqaddam sudlangan mahalliy fuqaroga nisbatan ayblov hukmini chiqardi. Bu haqda Saxa-Yoqutiston Respublikasi prokuraturasi xabar berdi.
Hodisa 2014-yil yozida sudlanuvchi go‘rkov bo‘lib ishlagan vaqtida sodir bo‘lgan. Qabriston ishchilaridan biri shirakayflik chog‘ida unga yosh yigitning dafn marosimida qarindoshlari qabrga mobil telefon qo‘yganini aytib beradi. Yovuz niyatli esa alkogol mastlik holatida go‘rni kavlab ochadi va tobutda jasad yonida turgan iPhone 4s’ni o‘ziga oladi.
Ma’lum bo‘lishicha, ayblanuvchi 2010-yilda jazo o‘tash muassasasidan chiqqan, qabristondagi jinoyat esa shartli sudlanish davrida amalga oshirilgan. Erkak Rossiya Jinoyat kodeksining “Dafn etish joylariga zarar yetkazish” moddasi bo‘yicha aybdor deb topildi va yetti oylik axloq tuzatish ishlariga hukm qilindi.
Izoh (0)