Украинанинг амалдаги президенти Пётр Порошенконинг бойлиги 2013 йил ноябридан бери 30 фоизга камайди. Бу ҳақда, Bloomberg агентлиги маълумотларига асосланиб, «Сегодня.ua» хабар бермоқда.
Бундан 18 ой аввал Bloomberg Billionaires Index рейтингида Порошенконинг бойлиги 1 миллиард долларга баҳоланганди, айни вақтда эса унинг давлати 720 миллион долларга баҳоланмоқда.
Bloomberg маълумотларига кўра, 2012 йилдан бери Порошенкога тегишли бўлган Roshen компанияси даромади 25 фоизга қисқарган, бунга компания маҳсулотлари учун Россия бозори ёпилгани, Россиядаги корхоналарининг мулки ҳибсга олингани сабаб бўлди.
Порошенко президент этиб сайланишидан аввал, компанияни сотиб юборишга ваъда берганди. Ўзи асосчиси ҳисобланган Roshen’ни Порошенко 3 миллиард долларга баҳоламоқда, бироқ бу нархга Украинанинг энг йирик қандолат компаниясини сотиб олишга рози бўладиган харидор ҳозирча топилгани йўқ.
Изоҳ (0)