Shell konserni rahbari Nazarboyevga bir dasta “Prezident Nazarboyev” navli lola sovg‘a qildi

Qozog‘iston prezidenti Nursulton Nazarboyev Shell konserni bosh ijrochi direktori Ben van Berden bilan uchrashuv o‘tkazib, hamkorlikning istiqbolli yo‘nalishlarini muhokama qildi, deya xabar bermoqda “Newskaz.ru”.

Nazarboyev Qozog‘iston iqtisodiyotidagi yirik investorlardan biri sifatida Shell Kashagan konini qazishda muhim rol o‘ynashini ta’kidladi.

O‘z navbatida Berden Nazarboyevni Qozog‘iston prezidentligiga qayta saylangani bilan tabrikladi va bo‘lib o‘tgan saylovlar nafaqat mamlakat, balki xorijiy investorlar uchun barqarorlikdan guvohlik berishini qayd etdi.

Berden prezidentga Gollandiyadan keltirilgan “Prezident Nazarboyev” navidagi lola dastasini sovg‘a qildi.