Zehni o‘tkir it mikroto‘lqinli pechni ochishni o‘rgandi (video)

Hech kimga sir emaski, itlar juda ham aqlli jonivor hisoblanadi. Biz ularning raqsga tushgani, kuylagani, yoga bilan shug‘ullangani va yuzgacha sanaganini ko‘rganmiz.

Bejizga itlar insonning eng yaxshi do‘sti deb e’tirof etilmaydi.

Lyusi laqabli kuchukcha oshxona stoli ustida turgan mikroto‘lqinli pech ichidan ovqat olish yo‘lini topdi, deb xabar qiladi “Segodnya.ua”.

Uy sohiblari oshxona stoli ustida Lyusining panja izlarini payqagandan so‘ng, ular it qanday qilib yuqoriga ko‘tarilganiga qiziqdi. Shu sababli it egalari oshxonaga videokamera qo‘yib, bunga oydinlik kiritdi. Lyusi stol ustiga chiqish uchun stulni surgan. Ziyrak itning harakatlarini kuzating, bunga aql bovar qilmaydi!

https://www.youtube.com/watch?v=1UcxlkOPLw8