Rossiya OAVlari tez orada Fransiyaning Charlie Hebdo satirik gazetasining ukraincha versiyasi chiqa boshlashi haqidagi soxta xabarni tarqatib yubordi, deb yozadi Meduza. Bu xabarni birinchi bo‘lib “RIA Novosti” chop etgan.
Agentlik Fransua Anglandning Facebook‘dagi qaydlariga tayandi — uning profilida u Charlie Hebdo’ni nashrga tayyorlash bo‘yicha mutaxassis ekanligi ko‘rsatilgan. U ushbu qaydga “ukraincha sonning birinchi muqovasi” rasmini ilova qilgan — unda Pyotr Poroshenko, Igor Kolomoyskiy va Mustafo Nayyemning karikaturalari aks etgan.
“RIA Novosti” tayangan akkaunt endi butunlay o‘chirib tashlangan.
“Ukrainaskaya Pravda” nashri aniqlashicha, “Fransua Angland” profiliga qo‘yilgan fotosurat Charlie Hebdo’ga umuman aloqasi bo‘lmagan Maksim Orachning “VKontakte” sahifasidan olingan. Bundan tashqari, Ukraina bosma OAVlari davlat reyestrida Charlie Hebdo haqida hech narsa ko‘rsatilmagan.
Izoh (0)