Nepaldagi zilzila qurbonlari soni 7240 kishiga yetdi

25-aprel kuni Nepalda sodir bo‘lgan zilzila qurbonlari soni 7240 kishiga yetdi, deb xabar beradi “Gazeta.ru”.

Mamlakat ichki ishlar vaziri o‘zining bayonotida shu raqamlarni keltirgan. Vazirning so‘zlariga ko‘ra, yana 14 122 kishi ofatdan jabrlangan.

Oldinroq Nepaldagi zilzila qurbonlari soni 10 mingga yetishi mumkinligi taxmin qilingandi.

Eslatib o‘tamiz, Nepal hukumati xarobalar ostidan tirik qolganlarni topish amri mahol ekanligini bildirgandi. Biroq yer silkinishidan bir hafta o‘tib xarobalar ostidan 101 yoshli qariya topildi.