Qohira sudi 2013-yil yozidagi ommaviy tartibsizliklar vaqtida politsiyachilarni shafqatsizlarcha o‘ldirgan besh kishini o‘lim jazosiga hukm qildi. Bu haqda “TASS” xabar bermoqda.
2013-yili, prezident Muhammad Mursiy hokimiyatdan chetlatilib, armiya kuchlari va Mursiy tarafdorlari o‘rtasidagi to‘qnashuvlar avjiga chiqqan vaqtda Qohira chekkasida joylashgan Kerdasedagi politsiya bo‘linmasiga ayovsiz hujum uyushtirilgandi.
Qurollangan shaxslar guruhi granatomyotlar va avtomatik qurollar vositasida 13 politsiyachini, xususan, politsiya bo‘linmasi boshlig‘ini ham otib tashlashgan.
Ushbu jinoyat ishi bo‘yicha 188 kishi ayblanayotgan edi. Ularning 183 nafari 2015-yil fevral oyida o‘lim jazosiga hukm qilingan, qolgan besh nafar gumonlanuvchi qidiruvda edi.
Izoh (0)