Germaniyadan Italiyaga reysni amalga oshirayotgan Germanwings samolyoti yo‘lovchilari 13-aprel, yakshanba kuni kechqurun portlash xavfi tufayli evakuatsiya qilindi, deya xabar bermoqda “Yevropeyskaya pravda”.
Ta’kidlanishicha, 4U 826 reysi uchuvchisi samolyotni uchish yo‘lagiga olib chiqayotganida unga dispetcherlik punktidan qo‘ng‘iroq qilishgan va parvozni to‘xtatishni so‘rashgan.
Federal politsiyaga portlash xavfi haqida xabar kelib tushgani tufayli yo‘lovchilar va ekipaj tartib bilan Airbus A320 samolyotini tark etgan.
Samolyot bortida jami 132 kishi, jumladan 126 yo‘lovchi va olti ekipaj a’zosi bo‘lgan.
Biroq samolyot yukxonasi va salonini qidirish hech qanday natija bermadi.
Xabar berilishicha, yo‘lovchilar boshqa reys bilan uchib ketishga muvaffaq bo‘lgan.
Izoh (0)