Германиядан Италияга рейсни амалга ошираётган Germanwings самолёти йўловчилари 13 апрель, якшанба куни кечқурун портлаш хавфи туфайли эвакуация қилинди, дея хабар бермоқда «Европейская правда».
Таъкидланишича, 4U 826 рейси учувчиси самолётни учиш йўлагига олиб чиқаётганида унга диспетчерлик пунктидан қўнғироқ қилишган ва парвозни тўхтатишни сўрашган.
Федерал полицияга портлаш хавфи ҳақида хабар келиб тушгани туфайли йўловчилар ва экипаж тартиб билан Airbus А320 самолётини тарк этган.
Самолёт бортида жами 132 киши, жумладан 126 йўловчи ва олти экипаж аъзоси бўлган.
Бироқ самолёт юкхонаси ва салонини қидириш ҳеч қандай натижа бермади.
Хабар берилишича, йўловчилар бошқа рейс билан учиб кетишга муваффақ бўлган.
Изоҳ (0)